Minnast þess að Gagnamagnið sniðgekk Ísrael
Setja bókamerki
„Ísland ætlar að senda annan and-ísraelskan fulltrúa í Eurovision,“ segir í fyrirsögn ísraelska fjölmiðilsins Jerusalem Post í dag, en þar er fjallað um úrslit söngvakeppninnar sem fram fór í gær.
Rifjað er upp að Daði Freyr og Gagnamagnið tóku ekki þátt í undankeppninni hér heima í fyrra, þar sem lokakeppni Eurovision fór fram í Tel Aviv í Ísrael, vegna andstöðu sinnar við framgöngu stjórnvalda í Ísrael.
„Við getum ekki ímyndað okkur að taka þátt í eurovisiongleðinni með góðri samvisku á meðan Ísraelsríki og þeirra her beitir Palestínumenn hrottalegu ofbeldi í næsta nágrenni,“ sagði í yfirlýsingu Gagnamagnsins á þeim tíma, en sveitin skoraði einnig á Ríkisútvarpið að sniðganga keppnina í Ísrael.
Jerusalem Post gerir sér mat úr þessu, sem áður segir, og fjallar einnig um að hljómsveitin Hatari hafi komið fram með palestínska þjóðfánann í baksýn er þeir komu fram með palestínska tónlistarmanninum Bashar Murad á stóra sviðinu í Laugardalshöllinni í gærkvöldi.
Tveir fluttir á sjúkrahús eftir rútuslys við Hellu
Miklar rakaskemmdir og mygla í Lögbergi
Kvika spáir í stýrivextina
Áhrif örvandi fíkniefna meginorsök banaslyss
Ráðamenn þurfa að hafa búið áður á staðnum
Afleiðingar fjögurra ára vatnstjóns koma fram
Óásættanlega langur tími