Er að missa hárið vegna kórónuveirunnar

Hollywood-leikkonan Alyssa Milano byrjaði að finna fyrir einkennum vegna kórónuveirunnar í mars. Nú er hún að glíma við eftirköst veirunnar og segist vera að missa hárið vegna veikindanna fyrr á árinu. 

„Datt í hug að sýna ykkur hvað COVID-19 gerir við hárið á ykkur,“ tísti Milano og birti myndskeið af sér greiða á sér hárið með tandurhreinum bursta. Hún greiddi í gegnum hárið á sér nokkrum sinnum og í hvert skipti kom mikið í hárburstann. Milano biðlaði til fylgjenda sína að huga vel að smitvörnum. 

Milano greindi frá því á dögunum að hún hefði greinst með mótefni gegn veirunni sem staðfesti það að hún hefði smitast af kórónuveirunni í mars. Leikkonan sagði að hún hefði aldrei orðið jafn veik og fyrr á árinu. „Ég hélt ég væri að deyja. Mér leið eins og ég væri að deyja,“ sagði Milano þegar hún greindi frá því að hún hefði fundið fyrir ýmsum einkennum veirunnar. 

• 1 blogg um fréttina

Bloggað um fréttina

• Ómar Ragnarsson: "Bara smá kvefpest"?