Nágrannar Harrys og Meghan pirraðir á flutningunum

Íbúar í Montecito í Kaliforníu í Bandaríkjunum eru síður en svo ánægðir með það sem fylgir nýjustu íbúum hverfisins. Hvert sem þeir fara eru ferðamenn, þyrlur og blaðaljósmyndarar að leita að Harry Bretaprinsi og Meghan hertogaynju. 

Harry og Meghan festu kaup á húsi í hverfinu fyrr í sumar. Hjónin hafa lítið látið á sér bera í hverfinu og hafa aldrei sést þar en þrátt fyrir það hafa þau valdið usla.

Samkvæmt heimildum TMZ er mikið um blaðaljósmyndara í hverfinu og í næstu verslunarmiðstöð. Þá fljúga þyrlur þar yfir allt að fjórum sinnum á dag. Hið konunglega par hefur líka dregið ferðamenn að hverfinu og segja verslunareigendur að mikið hafi borið á því að ferðamenn spyrji hvort sést hafi til Harrys og Meghan. 

Montecito hefur í gegnum tíðina verið þekkt fyrir að vera rólegheitahverfi þar sem blaðaljósmyndarar eru sjaldséðir þrátt fyrir að frægt fólk eigi heima þar. 

Frétt af mbl.is

Keyptu húsið í L.A. fyrir sína eigin peninga

• 1 blogg um fréttina

Bloggað um fréttina

• Jón Magnússon: Eins og Paris Hilton