Rihanna blá og marin eftir rafskútuslys

Tónlistarkonan Rihanna sást marin og blá í andlitinu í miðborg Los Angeles á föstudaginn síðasta. Samkvæmt talsmanni hennar lenti tónlistarkonan í smávegis slysi á rafskútu. 

„Það er fullkomlega í lagi með Rihönnu núna en hún féll fram fyrir sig á rafskútu um síðustu helgi og fékk mar á ennið og andlitið. Sem betur fer slasaðist hún ekki alvarlega og virðist vera að ná sér fljótt,“ sagði talsmaðurinn í tilkynningu til People.

Rihanna er ekki fyrsta stjarnan til að slasa sig á rafskútu en Simon Cowell braut nýlega á sér bakið á sambærilegu farartæki.

• 1 blogg um fréttina

Bloggað um fréttina

• Ómar Ragnarsson: Rafknúið fjallahjól Simons Powell "sambærilegt farartæki" við rafhlaupahjól?