Donald Trump, forseti Bandaríkjanna, endar árið sem dáðasti maður landsins. Fer hann þar með fram úr Barack Obama, fyrrum Bandaríkjaforseta, sem undanfarin tólf ár hefur vermt toppsætið. Þetta kemur fram í niðurstöðum könnunar Gallup, sem gerðar voru opinberar í dag. 

Fram kmeur að 18% þeirra sem tóku þátt í könnuninni sögðust dást mest af Trump, en til samanburðar var sú tala um 15% fyrir Obama. Næstur á eftir þeim var verðandi forseti landsins, Joe Biden, með stuðning 6% svarenda. 

Næstir á eftir þremenningunum voru sóttvarnalæknirinn Anthony Fauci og Frans páfi. Meðal efstu tíu á listanum voru körfuboltamaðurinn Lebron James, öldungardeildarþingmaðurinn Bernie Sanders og stofnandi Microsoft Bill Gates. 

Þetta er í tíunda skipti sem Trump nær inn á efstu tíu sætin á listanum. Áður en hann fór að láta að sér kveða í pólitík var hann við toppinn árin 1988, 1989, 1990 og 2011. Biden hefur einu sinni áður náð inn á listann. Það var árið 2018. 

Tengdar fréttir

Donald Trump verðandi Bandaríkjaforseti

Hættir við að reyna að verða ráðherra Trumps

• Merkel segir Trump heillaðan af einræðisherrum
• Fyrrum yfirmaður glímusambands verður ráðherra
• Trump mun skipa sjónvarpslækninn Dr. Oz
• Hegseth borgaði konu sem sakaði hann um ofbeldi

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Gallup viðurkennir að Trump er vinsælastur