Helena setti allt á hliðina hjá Helga

Helena Eyjólfsdóttir kom í heimsókn í hlöðuna til Helga Björns og Reiðmanna vindanna í gærkvöldi.

Helena, sem er í kringum áttrætt, sló algerlega í gegn og lék als á oddi í sjónvarpsþættinum vinsæla „Það er komin Helgi“. Hún renndi í sín þekktustu lög og þær Salka Sól tvírödduðu hið ástsæla sönglag „Hvíta máva“.

Svo skellti allur hópurinn sér á skíði í laginu „Hoppsa bomm“ sem flestir þekkja sem „Á skíðum skemmti ég mér“ og þá var kátt í hlöðunni.

Helena hóf ung söngferil sinn og hefur frá mörgu að segja í gegnum glæsilegan feril, lengst af með hljómsveit Ingimars Eydal sem var ein vinsælasta danshljómsveit Íslands fyrr og síðar.

Helgi Björns. Ljósmynd/Aðsend

• 1 blogg um fréttina

Bloggað um fréttina

• Jóhannes Ragnarsson: Þegar rosknar, ölvaðar konur koma og velta öllu við, brjóta …