Daði á siglingu í veðbönkum
Setja bókamerki
Íslandi er nú spáð fimmta sæti í Eurovision-keppninni sem fer fram síðar í þessum mánuði. Daði og Gagnamagnið, sem fara fyrir Íslands hönd í keppnina, hafa verið á töluverðri siglingu í veðbönkum undanfarnar vikur og skotist upp úr níunda sæti í það fimmta á bæði Eurovisionworld og Oddschecker.
Upphaflega var Daða spáð sigri í keppninni en það var áður en hann hafði opinberað lagið 10 Years. Eftir að það var opinberað féll lagið niður í 9. sæti í veðbönkum. Útgáfa tónlistarmyndbandsins virtist lítil áhrif hafa á veðbankana.
Daði og Gagnamagnið hafa þó verið að sækja í sig veðrið. Þau gáfu út tölvuleik fyrir stuttu síðan og í vikunni gáfu þau út bjórinn 10 Beers. Hvort það hafi áhrif á gott gengi í veðbönkum er þó ekki hægt að segja til um.
Eurovision fer fram í Rotterdam 18., 20. og 22. maí næstkomandi.
Yfir 300 stæði fóru undir hraun
Hópur fólks reyndi að komast að eldgosinu
/frimg/1/53/7/1530787.jpg)
Flogið á milli ljósaskipta
Fullvissa ferðamenn um að hér sé öruggt
Sjötti ferðamaðurinn er látinn
Viðræður ekkert þokast frá því á þriðjudag
Reiðubúin að aflýsa verkföllum í fjórum leikskólum