Aldargamalt afmælisbarn stökk úr flugvél

Bandaríkjamaðurinn Tom Rice hélt upp á 100 ára afmælið sitt á dögunum á heldur óhefðbundinn hátt þegar hann fór í fallhlífarstökk úr flugvél í 7.500 feta hæð. Aldargamla afmælisbarnið tileinkaði stökkið föllnum bandarískum hermönnum sem skiluðu sér aldrei heim eftir seinni heimstyrjöldina. 

Þetta var ekki í fyrsta sinn sem Rice stekkur úr flugvél en hann var fallhlífarstökkshermaður í seinni heimstyrjöldinni og tók meðal annars þátt í innrás Bandamanna 6. júní 1944 í franska bæinn Normandí við Ermasund.

Rice stökk með viðurkenndum leiðbeinandi í svokölluðu tandem-stökki þar sem bak hans var tjóðrað við maga leiðbeinanda. Þeir stukku saman og notuðust við eina fallhlíf sem leiðbeinandinn stjórnaði. 

Rice hélt upp á aldarafmælið sitt með fallhlífarstökki. Skjáskot/Youtube

• 1 blogg um fréttina

Bloggað um fréttina

• Ómar Ragnarsson: Er boltinn hjá Páli Bergþórssyni? Normandy er hérað.