Súludans á þaki Norræna hússins

Margir ráku upp stór augu í dag þegar þeir urðu varir við súludansmær á þaki Norræna hússins í Vatnsmýrinni í Reykjavík. 

Var þar um að ræða gjörning sem ber heitið „Spinning Rooftops.“ Höfundur verksins er FRNZTE, en það er hluti af sýningu sem er samstarfsverkefni Goethe Institute og Norræna hússins. 

Margir ráku upp stór augu. Ljósmynd/ Eyþór Árnason

Sýningarstjórar eru þau Arnbjörg María Daníelsen og Thomas Schaupp. Súludansinn verður endurtekinn á morgun klukkan tvö eftir hádegi.

Á vefsíðu viðburðarins er atriðinu lýst á þann veg að með súludansinum sameini listamaðurinn kóreógrafíska og skúlptúríska þætti. Þannig hafi dansinn byggingarfræðilega skírskorun.

Leikurinn verður endurtekinn á morgun. Ljósmynd/ Eyþór Árnason

• 1 blogg um fréttina

Bloggað um fréttina

• Ingólfur Sigurðsson: Ekki vantar stúlkur sem hafa áhuga á súludansi, burt með …