Grétar Þór Sigurðsson hefur komist að því hvaða dagblað kötturinn í vinsælu jarmi (e. meme) er að lesa, sem án efa margir hafa velt vöngum yfir lengi.

Kötturinn birtist í myndbandi við lag listakonunnar Bjarkar, Triumph of a Heart, og hefur Grétar nú komist að því að kötturinn var að lesa Fréttablaðið frá 23. ágúst árið 2004. 

Forsíða Fréttablaðsins 23. ágúst árið 2004. Skjáskot

Grétar segir í samtali við mbl.is að hann hafi rekist á jarmið á Twitter og velt því fyrir sér hvaða blað kötturinn hafi verið að lesa. 

„Þessi köttur hefur verið stór í net-kúltúrnum í mörg ár og ég hafði þekkt I should buy a boat meme-ið í mörg ár áður en ég komst að því að þetta væri stilla úr myndbandi eftir Björk,“ segir hann. 

Grétar segist hafa komist að því á Wikipediu að myndband Bjarkar var tekið upp í ágúst árið 2004 og fór svo að hann renndi yfir forsíður Morgunblaðsins og Fréttablaðsins frá þeim mánuði á tímarit.is.

Einn Twitter-notandi bendir á í sambandi við tíst Grétars að tilnefningarfrestur blaðamannaverðlaunanna rennur út 3. febrúar. 

Tengdar fréttir

Krúttleg dýr

Stargoði ný fuglategund á Íslandi

• Flækingshundar auka áhuga á pýramídum
• Krúttlegasta netstjarnan fær eigið lag
• Krúttlegustu verur veraldar eignuðust þríbura
• Ótrúlegur ferðalangur vekur heimsathygli

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hvor var á undan hinum, Reagan eða Baddi Jún? Pólverjar …