Missti bróður sinn skyndilega

Leikkonan Sharon Stone missti bróður sinn, Partick Stone, skyndilega um helgina. Lést hann úr hjartaáfalli, en Stone birti fallegt myndband til minningar um bróður sinn á Instagram.

Bróðir hennar var aðeins 57 ára að aldri en hún segir mikil áföll hafa dunið yfir fjölskylduna á undanförnum árum. Bróðir hennar Patrick missti son sinn River, aðeins 11 mánaða gamlan, í ágúst árið 2021.

„Já hann er maðurinn sem var faðir River sem við misstum á síðasta ári. Aðeins 11 mánaða gamlan. Hann lætur eftir sig eiginkonu, Töshu, og soninn Hunter, og dótturina Kaylee. Eins og allar aðrar fjölskyldur, þá þökkum við fyrir þær kveðjur og hlýhug sem okkur hefur verið sýndur á þessum sorgartímum,“ skrifaði Stone.

• 1 blogg um fréttina

Bloggað um fréttina

• Ingólfur Sigurðsson: Allt fullt af tilkynningum um dauðsföll fyrir aldur fram hjá …