Sjón gagnrýnir JK Rowling

Rithöfundurinn Sjón gagnrýnir JK Rowling, höfund Harry Potter-bókanna, á Twitter en hún hefur verið sökuð um fordóma gagnvart trans fólki.

Frétt af mbl.is

J.K. Rowling aftur sökuð um fordóma gegn trans fólki

„JK Rowling hefur leyft sér þann munað að segja „tíminn mun leiða í ljós hvort ég hafi rangt fyrir mér“, á sama tíma og trans fólk þarf að búa við stöðuga hættu á því að missa, ekki bara mannréttindi sín heldur einnig líf sín vegna þess að fólk í forréttindahópum eins og hún er stöðugt að afmennska það,“ skrifaði Sjón á Twitter og vísar þar í ummæli sem Rowling lét falla í hlaðvarpsþætti.

Í þættinum sagðist Rowling hafa vitað að um leið og hún tjáði sig opinberlega um málefni trans fólks „myndu margir vera mjög óánægðir með mig“, að því er dagblaðið Guardian greindi frá. 

• 1 blogg um fréttina

Bloggað um fréttina

• Helga Dögg Sverrisdóttir: Sjón ætti að lesa sér betur til