Raunveruleikastjarnan Josh Seiter er látinn, 36 ára að aldri. Hann er þekktastur fyrir að hafa tekið þátt í hinum geysivinsæla sjónvarpsþætti The Bachelorette.
Fjölskylda Seiters greindi frá andlátinu í færslu á Instagram í gærdag en ekki var sagt frá því hvernig hann lést. Seiter er sagður hafa átt við andleg veikindi að stríða og hvatti fjölskylda hans alla þá sem væru að upplifa erfiðleika til að leita sér hjálpar.
Seiter tók þátt í 11. þáttaröð raunveruleikaseríunnar þegar Kaitlyn Bristowe leitaði sér vonbiðils. Seiter var sendur heim í fyrstu viku.
Ef þú upplifir sjálfsvígshugsanir er hjálparsími Rauða krossins, 1717, opinn allan sólarhringinn. Einnig er netspjall Rauða krossins, 1717.is, opið allan sólarhringinn. Píeta-samtökin veita ókeypis ráðgjöf í síma 552-2218. Á netspjalli á Heilsuvera.is er einnig hægt að ráðfæra sig við hjúkrunarfræðing um næstu skref. Ef þú ert í bráðri hættu hringdu í 112.