Ekkert lát á flugi Íslands
Setja bókamerki
/frimg/1/53/24/1532482.jpg)
Íslandi er nú spáð 2. sæti í Eurovision-söngvakeppninni sem haldin verður í Malmö í Svíþjóð í maí.
Mikil hreyfing hefur verið í veðbönkum í dag í kjölfar þeirra fregna að Palestínumaðurinn Bashar Murad kynni að taka þátt í Söngvakeppni sjónvarpsins.
Ísrael spáð 7. sæti
Í gærkvöldi var Ísland komið upp í 8. sæti, í hádeginu var Ísland svo í 3. sæti. Nú hefur Bretland, sem var spáð 2. sæti í keppninni, fallið niður um eitt sæti.
Ísrael er enn spáð 7. sæti. Úkraínu er sem fyrr spáð sigri.
Af þremur efstu löndunum hefur aðeins Bretland valið framlag sitt í keppnina, en fæst þátttökulönd hafa valið framlag sitt.
Vilja að Ísland taki ekki þátt
Greint var frá því gær að Palestínumaðurinn Bashar Murad yrði meðal þátttakenda í Söngvakeppni sjónvarpsins.
Fleiri en 500 tónlistarmenn hér á landi hafa krafist þess að Ísland dragi sig út úr Eurovision, vegna þátttöku Ísraels í keppninni, og vilja þannig sýna afstöðu gegn árásum Ísraelshers á Gasasvæðið.
Ákvörðunin á herðum ríkisútvarpsins
Ríkisútvarpið svaraði því í vikunni með þeim hætti að söngvakeppni sjónvarpsins er nú sögð aftengd sjálfri Eurovision-keppninni, með þeim hætti að sigurvegari keppninnar þurfi ekki endilega að taka þátt í Eurovision.
Stefán Eiríksson útvarpsstjóri sagði í samtali við mbl.is að sú ákvörðun væri þó á endanum alltaf á herðum sjálfs útvarpsins.
Kynnt verður um helgina hvaða keppendur munu taka þátt í Söngvakeppnini í ár.
Forstjóri bendir á ábyrgð birgja vegna verðhækkana
Alvarleg netárás á Wise
Þetta eru ráðherrar ríkisstjórnarinnar
Skattamál verði líklega „þeirra mesta klemma“
Beint: Ný ríkisstjórn tekin við völdum
Segir að verið sé að svindla á Bandaríkjunum
„Mér finnst gamla Samfylkingin komin aftur“
