Lizzo: „Ég er hætt“

Banda­ríska popp­stjarn­an Lizzo seg­ist vera „hætt“ þar sem hún sé orðin þreytt á því að vera gagn­rýnd fyr­ir út­lit sitt og per­sónu. 

Lizzo greindi frá þessu á In­sta­gram en óljóst er hvað ná­kvæm­lega hún sé í hætt í, hvort það sé á sam­fé­lags­miðlum, í tón­list­ar­brans­an­um eða öðru. 

Frétt af mbl.is

Harðlega gagn­rýnd vegna hátt­ar­lags síns

Lizzo hef­ur verið ötul í að berj­ast gegn  lík­ams­s­mán­un og fitu­for­dóm­um og hef­ur reglu­lega for­dæmt þá sem setja út á lík­ama henn­ar og annarra. 

Þá vakti það at­hygli í fyrra er fyrr­ver­andi dans­ar­ar Lizzo höfðuðu mál gegn henni og sökuðu hana um kyn­ferðis­lega áreitni, mis­mun á grund­velli fötl­un­ar og kynþátta­for­dóma.

Frétt af mbl.is

Málið gegn Lizzo ekki fellt niður

Vill ein­ung­is gleðja fólk

„Ég er orðin þreytt á því að þurfa að þola það að vera dreg­in niður af öll­um í lífi mínu og á in­ter­net­inu. Það eina sem ég vil er að búa til tónlist og gleðja fólk og hjálpa heim­in­um að verða að betri stað en þegar ég fann hann. Mér er stöðugt stillt upp við vegg lyga sem sagðar eru um mig fyr­ir völd og áhorf,“ sagði í færslu Lizzo. 

Þá seg­ir að stöðugt sé gert grín að út­liti henn­ar og per­sóna henn­ar gagn­rýnd af fólki sem þekk­ir hana ekki. 

„Ég skráði mig ekki til leiks fyr­ir þenn­an skít. ÉG ER HÆTT.“

Lizzo í Óskar­sverðlauna­veislu Vanity Fair fyrr í þess­um mánuði. AFP

Færsl­an er birt degi eft­ir að hún kom fram á kosn­ingaviðburði demó­krata fyr­ir Joe Biden Banda­ríkja­for­seta. Ron Zambrano, lögmaður fyrr­ver­andi dans­ara Lizzo, sagði það vera til skamm­ar að Lizzo skuli fá að koma fram á slík­um viðburði á meðan mála­ferli gegn henni væri í gangi.  

Lizzo er 35 ára göm­ul og heit­ir í raun Mel­issa Vi­via­ne Jef­fer­son. 

Fyrr í þess­um mánuði birti hún færslu á sam­fé­lags­miðlum þar sem hún sagðist vera spennt fyr­ir framtíð sinni í tónlist og að hún væri að semja „bestu tónlist lífs síns“.

Óljóst er hvort að Lizzo ætli að gefa út þá tónlist. 

• 1 blogg um frétt­ina

Bloggað um frétt­ina

• Wil­helm Em­ils­son: Þegar tón­listar­fólk hætt­ir