Bubbi krotaði ekki á eigur annarra

Það vakti athygli þegar í ljós kom að Bubbi Morthens reyndist vera huldulistamaðurinn Blanksy sem hafði krotað á auglýsingaskilti og eigur áhrifavalda í gjörningi Öryrkjabandalags Íslands.

Bubbi segist þó ekki hafa gengið svo langt að krota á eigur annarra.

„Síður en svo. Það voru allir með, áhrifavaldar og listamenn. Einhvern tímann hefði ég verið líklegur til þess að gera slíkt upp á eigin spýtur en sá tími er liðinn. Þetta var átak til þess að vekja athygli á stöðu öryrkja og þeirra sem minnst mega sín í þjóðfélagi okkar. Þessi gjörningur var frumleg og skemmtileg hugmynd til þess að vinna með ungu fólki og ná til allra með nýrri og öðruvísi nálgun. Ég held að það hafi tekist,“ segir Bubbi.

„Það er til háborinnar skammar að við búum í þjóðfélagi þar sem öryrkjar og láglaunastéttir ná ekki endum saman. Fármagnið er til staðar en áherslurnar í samfélaginu eru skakkar og ósanngjarnar. Að þetta skuli vera niðurstaðan. Viljum við fara svona með fólk?“

Frétt af mbl.is

Bubbi er Blanksy

Bubbi Morthens er maðurinn á bakvið lambhúshettuna. Mynd/ÖBÍ

Bubbi Morthens er Blanksy. Mynd/ÖBÍ

• Blogga um frétt