Í fyrstu heimsókn eftir krabbameinsgreiningu Katrínar
Setja bókamerki
Vilhjálmur Bretaprins sneri aftur til opinberra starfa í gærdag þegar hann heimsótti góðgerðarsamtökin Surplus in Supper. Er þetta í fyrsta sinn sem hann sinnir opinberum skylduverkum frá því að Katrín eiginkona hans tilkynnti um krabbameinsgreiningu sína í mars.
Vilhjálmur fékk hlýjar móttökur frá sjálfboðaliðum samtakanna er hann hjálpaði til við að sinna ýmsum verkefnum.
Prinsinn átti vart orð þegar Rachel Candappa, 71 árs gamall sjálfboðaliði, afhenti honum tvö handskrifuð bréf sem innihéldu hlýjar batakveðjur til Katrínar og Karls III Bretakonungs. Bæði eru þau í veikindaleyfi frá störfum vegna krabbameinsmeðferða.
Candappa var einnig með skilaboð til prinsins, en hún klappaði Vilhjálmi á öxlina og sagði honum að passa vel upp á eiginkonu sína, sem hann lofaði að gera.
Karl III Bretakonungur greindist með krabbamein í febrúar. Fannst krabbameinið er hann fór í aðgerð vegna stækkunar á blöðruhálskirti. Katrín hefur ekki greint frá því hvaða krabbamein hún berst við.
Verkfallsaðgerðir á Keflavíkurflugvelli samþykktar
Olíufélögin fái milljarða í afslátt frá borginni
„Ættir þú ekki frekar að bjóða þig fram til Alþingis?“
Stjórnvöld hafa tvo mánuði til að bregðast við
„Eyddi nánast allri nóttina í þetta“
Sala dísil- og bensínbíla eykst
Einn handtekinn út af þjófnaðinum í Hamraborg