Alvöru reiði í röddinni

Helgi Björns­son valdi lagið „Son of a Preacher Man“ með Dusty Spring­field fyrir einvígi Hjörleifs Más Jóhannssonar og Guðrúnar Stefaníu Vopnfjörð Ingólfsdóttur í The Voice. Þau Hjörleifur og Guðrún eru bæði í lið Helga í þáttunum og tóku bæði rokkuð lög í áheyrnarprufum þáttanna svo valið virtist henta þeim vel.

Þjálfararnir voru hrifnir af Hjörleifi og fannst flutningur hans skila sér betur. „Það var einhver alvöru reiði hjá þér Hjörleifur, það skilaði sér mjög vel. Ég held að það hafi skilað sér út í röddina,“ sagði þjálfarinn Salka Sól um flutninginn.

Álit þjálfaranna þriggja, Sölku Sólar, Svölu Björgvins og Unnsteins Manuel voru þó aðeins álitsgefandi í einvíginu. Þar sem keppendurnir tilheyra liði Helga var það hans á skera úr um hvor færi áfram.

• Blogga um frétt