Ken Lee eða Can't Live?

Ellert Heiðar Jóhannsson heldur sínu striki í lagavali í The Voice, hann ræðst ekki á garðinn þar sem hann er lægstur, en í síðasta þætti söng hann Can‘t Live If Living is Without You sem Mariah Carey gerði frægt á sínum tíma.

Þjálfararnir Salka Sól og Helgi Björns voru bæði mjög hrifin af flutningnum í þætti gærkvöldsins og öryggi Ellerts á sviðinu. „Þú ert svo yfirvegaður, og þú tekur svo þetta lag og bara pakkar því saman,“ sagði Salka Sól um flutninginn.

Það voru fleiri sama máli en flutningurinn fékk mikla athygli á Twitter, og þá sérstaklega lagavalið.

Mörg tístin frá twittverjum snerust um Ken nokkurn Lee

Ástæðan fyrir því að twittverjar voru að blanda honum Ken Lee í málið var myndskeið sem gekk á samfélagsmiðlum fyrir nokkru síðan. Myndskeiðið er af áheyrnarprufu ungrar stúlku í Búlgörsku Idol þáttunum, þar sem hún syngur lagið Ken Lee, eða Can't Live.

• Blogga um frétt