16 ára stelpa neglir Aguilera í Voice

Hin 16 ára gamla Alexandra Dögg Einarsdóttir gerði sér lítið fyrir og rúllaði upp Christina Aguilera smellinum Hurt í blindprufum þriðja þáttar The Voice Ísland, sem sýndur verður í Sjónvarpi Símans annað kvöld.  

Fyrir flutninginn fékk hún ekki bara standandi lófatak frá salnum, allir fjórir þjálfararnir ýttu á takkana á stólunum sínum og sneru sér við æstir að fá Alexöndru í sitt lið. Salka Sól var svo spennt að hún hélt áfram að ýta á takkann þegar hún var löngu búin að snúa sér við, „þetta var æðislegur flutningur!“

Alexandra hafði pabba sinn sér til halds og trausts í prufunum og fylgdist hann með flutningnum baksviðs. Þar var greinilega stoltur faðir á ferð, en honum vöknaði um augun þegar hann fylgdist með dóttur sinni slá í gegn hjá þjálfurunum.

• 1 blogg um fréttina

Bloggað um fréttina

• Geir Magnússon: Enn skrifar Uni Danski