Ellilífeyrisþegi reyndi að smygla 80 kg af kókaíni til Bandaríkjanna

Áttatíu og eins árs gamall maður var handtekinn er hann reyndi að smygla 80 kílóum af kókaíni frá Mexíkó til Bandaríkjanna, en fíkniefninu hafði hann komið fyrir í bifreið sinni.

Landamæraverðir í Nogales í Arizona segja að þetta sé eitt mesta magn af fíkniefnum sem þeir hafa lagt hald á.

Þá segjast þeir ekki muna eftir því að þeir hafi áður stöðvað fíkniefnasmyglara sem væri orðinn þetta gamall.

Maðurinn sem var handtekinn býr í bænum Nogales en embættismenn vita ekki hvort hann væri bandarískur eða mexíkóskur ríkisborgari.

• 1 blogg um fréttina

Bloggað um fréttina

• Pálína Erna Ásgeirsdóttir: Hann komst að sjálfsögðu ekki upp með það....