Hjuggu niður 100 ára gamalt tré vegna meintra ofurkrafta þess

Öfgasinnaðir múslímar á Indónesíu hjuggu niður 100 ára gamalt fíkjutré í Jakarta til að koma í veg fyrir að sögusagnir um að það byggi yfir ofurkröftum breiddust út. Borgaryfirvöld hafa kært skemmdarvargana til lögreglu.

Íslam er eingyðistrú og telst það alvarleg synd að trúa því að einhver eða eitthvað annað en guð hafi ofurmátt. Öfgasinnaðir múslímar á Indónesíu, sem er fjölmennasta múslímaríki heims, hafa iðulega gagnrýnt trúbræður sína fyrir að iðka einnig hindúatrú eða búddisma, trúarbrögð sem voru útbreidd á Indónesíu áður en íslam náði þar fótfestu.

• 1 blogg um fréttina

Bloggað um fréttina

• Vantrú: Fórnað á altari trúarinnar