Tollverðir fundu vodkaleiðslu neðanjarðar

Rússneskir tollverðir segjast hafa fundið hálfs annars kílómetra langa vodkaleiðslu grafna í jörð og til þess gerða að dæla heimagerðum vodka frá Rússlandi til Lettlands, þar sem hann var seldur á svörtum markaði.

Leiðslan var á um tveggja metra dýpi, en fannst þegar verið var að gróðursetja tré við landamærin. Talsmaður rússnesku tollgæslunnar segir að grunur hefði leikið á að einhver væri að smygla landa til Lettlands, en aldrei hafi fundist vísbendingar um hvernig það væri gert.

Leiðslan lá á milli tveggja húsa, sitthvoru megin landamæranna. Enginn íbúi var í þeim þegar yfirvöld réðust til inngöngu.

• 1 blogg um fréttina

Bloggað um fréttina

• Pálína Erna Ásgeirsdóttir: Rússum ekki alls varnað