Önd lifði byssuskot og tveggja daga dvöl í ísskáp

Lífseig önd er komin undir læknishendur eftir að hafa lifað af byssuskot og tveggjadaga dvöl í ísskáp byssumannsins. Veiðimaður einn í Florida í Bandaríkjunum veiddi öndina og setti í ísskáp heimilisins, og taldi eðlilega að fuglinn væri dauður, enda með skotsár á vængjum og fótum. Húsmóðurinni á heimilinu brá svo í brún tveimur dögum síðar þegar öndin lyfti hausnum þegar húsmóðirin opnaði ísskápinn.

Þar sem öndin virtist ekki hafa áhuga á því að enda ævina á borðum fjölskyldunnar sem kvöldverður, var farið var með öndina til dýralæknis og þaðan í dýraathvarf.

Dýralæknirinn David Hale segir miklar líkur á að öndin lifi af og að hæg efnaskipti hafi bjargað lífi fuglsins í ísskápnum. Litlar líkur eru þó á að öndin nái svo góðri heilsu að hægt verði að sleppa henni, svo öndin ófeiga dvelur líklega í Goose Creek dýraathvarfinu héðan í frá.

• 3 blogg um fréttina

Bloggað um fréttina

• Brosveitan - Pétur Reynisson: "Kvakk kvakk" ! Hvað er í skápnum?
• Ólafur Þórðarson: Byssumenn, again!
• Svava frá Strandbergi : Öndin sem elskaði freyðibað og sveskjugraut