Hjákonustaðgengill óskast til að þola barsmíðar eiginkonunnar
Setja bókamerki
Kínverskur kaupsýslumaður hefur auglýst á Netinu eftir hjákonustaðgengli til að þola barsmíðar reiðrar eiginkonu hans, og hlífa þannig hjákonunni sjálfri. Kínverskir fjölmiðlar greina frá þessu í dag.
Þegar eiginkonan komst á snoðir um að maðurinn hennar átti hjákonu krafðist hún þess að fá að berja hjákonuna, sagði Dagblað ungra Pekingbúa, og vísaði í auglýsinguna, sem birt var á vinsælum atvinnuauglýsingavef, sina.com.
Yfir tíu manns hafa þegar sótt um „starfið“, sagði blaðið ennfremur. Sett voru þau skilyrði að umsækjendur væri orðnir 35 ára og væru frá Norðaustur-Kína. Kaupið er 3.000 júan fyrir hverjar tíu mínútur, eða sem svarar rúmum 26.000 krónum.
Margir kínverskir kaupsýslumenn halda hjákonur á öðrum heimilum. Þessi siður var bannaður eftir að kommúnistar komust til valda 1949, en í kjölfar markaðsumbóta í Kína undanfarin ár hafa margir tekið hann upp á ný.
/frimg/1/53/17/1531723.jpg)
Kálfur kom í heiminn á miðjum kosningafundi
Ása Ellerup flutt út og ætlar að selja húsið
Gasmengun gæti borist yfir höfuðborgarsvæðið
Flestir sem hvergi finnast koma frá Sómalíu
„Við höldum áfram þangað til við erum búin“
Pútín reynir allt til að forðast aðra herkvaðningu
„Höfum sloppið bærilega með skaða af þessu gosi“