Klippti tungu barns sem talaði of mikið

Grunnskólakennari í Mílanó á Ítalíu hefur verið rekinn frá störfum eftir að hafa klippt í tungu sjö ára gamals nemanda sem kennarinn sagði að talaði of mikið. Sauma þurfti fimm spor í tungu nemandans.

Að sögn menntamálaráðherra Ítalíu, Giuseppe Fioroni, var einungis eitt svar við þessu athæfi kennslukonunnar, að reka hana samstundis úr starfi.

Kennslukonan, sem er 22 ára að aldri, fyrirskipaði drengnum að reka út úr sér tunguna svo hún gæti klippt hana af. Það væri eina leiðin til þess að fá hann til þess að þagna. Við svo búið særði hún tungu hans með skærunum þannig að það þurfti að sauma fimm spor, að því er segir í ítalska dagblaðinu Il Corriere della Sera.

Samkvæmt ANSA fréttastofunni játaði kennslukonan að hafa hótað drengnum með skærunum en að hún hafi óvart sært hann með skærunum. Það hafi ekki verið ætlunin.

• 3 blogg um fréttina

Bloggað um fréttina

• Rúnar Haukur Ingimarsson: Var ekki nóg að teypa ?
• Gúrúinn: Auga fyrir auga
• Snorri Bergz: Nýr starfsmaður Alþingis!