Amma fann sprengju í kartöflupokanum

Rúmlega sjötug ítölsk amma fann virka handsprengju í kartöflupoka sem hún keypti á útimarkaði í þorpi skammt frá Napólí.

Hún sagði að þegar hún hefði verið að þvo kartöflurnar hefði hún áttað sig á því að ein kartaflan var í rauninni sprengja.

Að sögn lögreglu var handsprengjan sömu gerðar og Bandaríkjamenn notuðu í Evrópu í síðari heimsstyrjöld. Talið er að hún hafi verið „tekin upp“ í kartöflugarði í Frakklandi án þess að ljóst yrði hvers kyns var.

Sérfræðingar gerðu sprengjuna óvirka í dag.

Amman segir það hafa vakið grunsemdir sínar hvað sprengjan var þung, og svo hafi hún ekki litið út eins og kartafla.

• 1 blogg um fréttina

Bloggað um fréttina

• Helgi Jónsson: Heppin