Eftirsóttir farsímar hverfa á leið til landsins

Einhverjir dýrustu farsímar sem fáanlegir eru hérlendis eru einnig með þeim eftirsóttustu. En óprúttnir og fingralangir menn eru líka sólgnari í þessa síma en aðra.

Alltaf eru einhver brögð að því, að sendingar af nýjum farsímum til Íslands hverfi í klær þjófa, en slík „rýrnun“ af þessum sökum hefur verið meiri á sendingum af þessum dýra, fína og eftirsótta síma en annarskonar símum.

Í sumum tilvikum eru þessir símar framleiddir í Austur-Evrópu, og í öðrum tilvikum liggur leið sendinganna til Íslands um þann heimshluta. Hefur því verið hvíslað að umboðsaðila símanna á Íslandi að rússneska mafían sé farin að teygja anga sína víða um Evrópu, og kunni að eiga einhvern þátt í umræddri rýrnun.

• 3 blogg um fréttina

Bloggað um fréttina

• Benni: Auglýsingar...?
• TómasHa: Hvað er málið?
• Sverrir Þorleifsson: Dýrir símar hverfa