Skar af sér kynfærin á fylliríi

Fertugur Pólverji skar af sér kynfærin á fylliríi eftir að konan hans hafði yfirgefið hann.

Eftir að hafa hellt í sig rúmlega einni flösku af vodka greip maðurinn, Tadeus Konopizc, stóran hníf og skar af sér getnaðarliminn og punginn.

Honum tókst síðan að hringja í lækni og segja frá því hvað hann hafði gert og var send þyrla til að sækja hann og flytja hann til bæjarins Bialystok, til lækna sem sérhæfa sig í ágræðslu.

En sökum mikillar þoku varð töf á flugferðinni, og þegar loks var komið með manninn til Bialystok sögðu læknar að of langt væri um liðið til að hægt væri að græða kynfærin aftur á hann.

Væntanlega bíða hans nú margar aðgerðir sem taka munu nokkra mánuði, er læknar reyna að búa til á hann nýjan lim með því að nota húð af öðrum stöðum á líkama hans.

Frá þessu greinir Ananova.

• 2 blogg um fréttina

Bloggað um fréttina

• Birna Mjöll Atladóttir: Drykkjuvandamál??
• Gerða Kristjáns: Jæks !