Stálu gullstöng af sýningu

Bíræfnir þjófar stálu gullstöng, sem var til sýnis á safni í Japan. Stöngin, sem vó um 100 kíló, er metin á jafnvirði 125 milljóna króna.

Safnið, sem er í borginni Takayama, sagði að gullstöngin hefði ekki verið varin með skynjurum vegna þess að ætlast var til þess að sýningargestir gætu snert hana.

En þjófarnir tóku þetta tilboð einum of bókstaflega. Þrír þeirra burðuðust með gullstöngina gegnum sýningarsalinn, niður stiga og út úr húsinu þar sem félagi þeirra beið í bíl. Síðan óku þeir á brott og hefur ekki til þeirra spurst.

• 1 blogg um fréttina

Bloggað um fréttina

• Benedikt D. Valdez Stefánsson: Stálu gullstöng af sýningu