„Ég heiti Bond ... “

Breti nokk­ur er orðinn stór­fræg­ur í þorp­inu sem hann býr í í Króa­tíu vegna þess að hann hef­ur eft­ir­nafnið Bond.

Hon­um hef­ur verið boðið í op­in­ber­ar veisl­ur og fólk legg­ur leið sína í timb­urkof­ann sem hann býr í ásamt tveim hund­um ein­göngu til að heilsa upp á hinn fræga herra Bond.

Þessi Bond ber að vísu skírn­ar­nafnið Gavin. Hann er 38 ára húsa­smiður frá London, sem flutt­ist til þorps­ins Mokrice í Króa­tíu til að ein­falda líf sitt. Ekki grunaði hann að nafnið myndi gera sig fræg­an.

„Ég heiti ekki einu sinni James, en það virðist ekki skipta neinu máli. Fólk ætlaði ekki að trúa mér þegar ég sagðist heita Bond, en þegar ég sýndi því pass­ann minn varð það yfir sig hrifið.“

Bond hef­ur í krafti nafns­ins hlotn­ast ým­is­kon­ar heiður, m.a. var hon­um boðið að opna stór­markað. „Fólk kem­ur og heim­sæk­ir mig í kof­ann bara til að segja „halló herra Bond“.“

Hann seg­ist kunna vel við sig í fag­urri nátt­úru í grennd við þorpið, og þyki gott að búa í timb­ur­húsi fjarri skarkala stór­borg­anna. Hon­um sé sama þótt fólk rugli sér sam­an við njósn­ar­ann 007. „Ég út­skýrði vand­lega að ég ætti ekk­ert skylt með James Bond, en fólk vill samt koma fram við mig eins og stór­stjörnu. Því finnst skemmti­legt að segja frá því að það búi í sama bæ og herra Bond.“

• 1 blogg um frétt­ina

Bloggað um frétt­ina

• Þor­steinn Gunn­ars­son: Tveir hund­ar ein­göngu og Bond­inn sá þriðji