Fjölkvæni er ekkert spaug
Setja bókamerki
Sádi-Arabi missti hluta af nefi sínu þegar eiginkonur hans tvær réðust á hann þegar hann sagði í gríni að hann væri að íhuga að giftast þeirri þriðju. Judaie Ibn Salem hélt að hótunin yrði til þess að ágreiningur sem hafði komið upp á heimilinu myndi leysast.
„Ég sór að ég myndi gera þetta vegna þess að þær voru ókurteisar en þá varð ég fyrir enn meiri árás,“ sagði Ibn Salem við dagblaðið Shams þegar búið var að sauma sjö spor í nefið á honum.
„Ég gerði mér ekki grein fyrir því að þær gætu orðið svona reiðar. Eina leiðin fyrir mig að endurheimta reisn mína nú er að eignast þriðju eiginkonuna,“ sagði hann.
„Ég veit hinsvegar ekki hverju ég myndi glata næst ef ég léti verða af því.“
Samkvæmt íslömskum lögum mega karlmenn giftast fjórum konum og þá er fjölkvæni algengt í Sádi-Arabíu, þar sem Íslam á rætur sínar að rekja.
Þetta kemur fram á fréttavef Reuters.
Íslensk kona handtekin á Tenerife eftir líkamsárás
Ekki hægt að slá gosið út af borðinu strax
Vöruflutningavél brotlenti í Litháen
Þrír menn ruddust inn í íbúð í Vesturbænum
Þurfa að fjölga um 100 legurými
Kæling hraunsins þykir skila góðum árangri
Unnið að hraunkælingu allan sólarhringinn