Á hraðbraut í hjólastólnum

Lögregla í bænum Neron í Galisíu á Spáni stöðvaði mann sem ók um á rafmagnshjólastól á hraðbraut nærri bænum, en hann hafði villst er hann var að leita að vændishúsi. Maðurinn er lamaður frá hálsi og niður, og var við handtökuna á „umtalsverðum hraða” á hjólastól sem hann stjórnaði með höku og munni.

Haft er eftir lögreglukonu í bænum að hann hafi reyndar ekki verið á ólöglegum hraða, en hafi hins vegar augljóslega skapað hættu, bæði sjálfum sér og öðrum.

Á lögreglustöðinni var athugað hvort maðurinn væri undir áhrifum áfengis, svo reyndist hins vegar ekki vera.

• 1 blogg um fréttina

Bloggað um fréttina

• Þorsteinn Gunnarsson: Á Vespu á hraðbraut í Portúgal