Biður konur um að sparka í nárann á sér

Lögreglan í Ontario í Kanada leita nú manns sem er sagður hafa gengið upp að konum þar í borg og beðið þær um að sparka í nárann á sér. Þrjár konur tilkynntu um svipuð atvik til lögreglu og þá sögðu tvær þeirra að umræddur maður ferðaðist um á hjóli.

Umrædd tilvik eru sögð hafa átt sér stað undanfarna tvo mánuði.

Lögregluvarðstjórinn Cate Welsh sagði í dag að það sem maðurinn bæði konurnar um að gera væri ekki glæpur. Hún sagði hinsvegar að óttast sé að óskin sé undanfari kynferðisárásar.

Maðurinn er sagður vera hvítur, um tvítugt, með brúnan hökutopp og með stórt frekjuskarð.

Engin kvennanna segist hafa orðið fyrir meiðslum af hans völdum.

• 1 blogg um fréttina

Bloggað um fréttina

• Guðsteinn Haukur Barkarson: Er það glæpur að vera furðulegur?