Ninja handtekin á Ítalíu

Ítalska lögreglan handtók ninju, sem olli ótta meðal bænda í norðurhluta landsins. Maðurinn, sem var íklæddur svörtum alklæðnaði, rændi nokkra bændur og fjölskyldur þeirra vopnaður hníf.

Lögreglan hafði leitað mannsins í margar vikur. Hann vafði höfuð sitt með svörtu klæði að ninjasið og var vopnaður boga og hníf sem hann hafði fest við fótlegg sinn.

Ninjan réðist svo á bændur síðla nætur og neyddi þá til þess að gefa sér peninga og önnur verðmæti. Urðu flestir bændurnir svo hræddir að þeir tilkynntu ekki um ránið fyrr en nokkrum dögum síðar, segir á fréttavef BBC.

Á mánudag beitti gamall, hugdjarfur maður krók á móti bragði og beið tilbúinn eftir ninja í fjósinu vopnaður riffli en hrasaði í tröppunum og skaut þá óvart úr rifflinum. Það hræddi ninja, sem hoppaði á hjólið sitt og skaust út á akrana með lögregluna á hælunum.

Það kom síðan í ljós að ninja var rússneskur, fyrrverandi hermaður að nafni Igor Vaclavic. Aðspurður um hvað honum gengi til sagðist hann vilja leika eftir hetjuna sína úr barnæsku, Hróa Hött.

• 1 blogg um fréttina

Bloggað um fréttina

• Brynjar Páll Rögnvaldsson: Of fyndið til að commenta ekki..