Óður íkorni

Íkorni gerði mikinn usla og réðist á þrjá í suður Þýskalandi, en mætti örlögum sínum þegar eldri borgari náði að verjast með hækju sinni.

Íkornar eru þekktari fyrir að vera ljúf og meinlaus dýr, sem hoppa um og safna hnetum. Árás óða íkornans kom því fórnalömbum eðlilega í opna skjöldu.

Fyrst réðist íkorninn á sjötuga konu og beit hana svo fast að það var ekki fyrr en að hún hljóp út á götu í leit að hjálp að hún náði að hrista hann af sér. Því næst hljóp hann í fangið á ungum manni og klóraði hann, en sá náði að verjast. Dýrið stökk þá í næsta garð og réðist á rúmlega sjötugan mann, en hitti þar fyrir jafningja sinn sem greiddi honum banahöggið með hækjunni sinni.

Grunur leikur á að íkorninn dauði hafi þjáðst af hundaæði.

• 1 blogg um fréttina

Bloggað um fréttina

• Anna Sigríður Guðmundsdóttir: Féll fyrir hækju,