Fann frosið lík glæpamanns

Réttarlæknar í Dublin á Írlandi hófu í dag að kryfja lík glæpamanns, sem fannst frystigeymslu í fiskbúð á vesturhluta Írlands í síðustu viku. Mannsins hafði þá verið saknað frá árinu 2002.

Íranskur eigandi Hafmeyjufiskbúðarinnar í Galway á Vestur Írlandi fann í síðustu viku líkið af Patrick McCormack frosið í plastíláti í frystigeymslunni. Svo virtist sem manninum hafði verið misþyrmt og hendur hans voru bundnar fyrir aftan bak. Ekki var hægt að hefja krufningu fyrr en í dag vegna þess hve líkið var lengi að þiðna.

McCormick þessi var góðkunningi lögreglunnar. Hann hafði verið dæmdur fyrir rán og var á lista yfir grunaða fíkniefnasala þegar hann hvarf.

• 2 blogg um fréttina

Bloggað um fréttina

• Vilhjálmur Örn Vilhjálmsson: I tried to tell them
• Anna Sigríður Guðmundsdóttir: Kaldrifjaður glæpamaður