Kveikti í heilu þorpi í ölæði

Maður nokkur í Malasíu bar eld að húsi sínu í ölæði, en sökum hvassviðris breiddist bálið fljótt út og svo fór, að næstum allt þorpið brann, að sögn lögreglu í dag. Rúmlega 300 manns misstu heimili sín, en ekki eru fregnir af mannskaða.

Lögreglustjórinn í þorpinu tjáði Associated Press að svo að segja hvert einasta hús í þorpinu hefði brunnið til kaldra kola. Skjólshúsi hafi verið skotið yfir íbúana með því að reisa tjöld til bráðabirgða.

Brennuvargurinn hefur verið handtekinn. Hann er 29 ára. Hann segist hafa verið ölvaður og hafa lent í rifrildi við konuna sína, með þessum afleiðingum.

• 2 blogg um fréttina

Bloggað um fréttina

• Jakob Falur Kristinsson: Ölæði
• Bogi Jónsson: Datt í það einn dag á ári en þurfti samt …