Allir í bleikum skyrtum

Fataverslanir í Thaílandi anna nú vart eftirspurn eftir bleikum karlmannaskyrtum vegna tískuæðis sem konungur landsins, Bhumibol Adulyadej, hefur komið af stað.

Thaílendingar hafa staðið hundruðum saman í röðum til að kaupa bleikar skyrtur eftir að konungurinn sást koma af sjúkrahúsi í síðustu viku í bæði bleikri skyrtu og bleikum jakka.

Tískukeðjan Phufa kveðst hafa selt 40.000 bleikar skyrtur í þessum mánuði. Unnið sé dag og nótt á saumastofum keðjunnar við að búa til fleiri.

• 1 blogg um fréttina

Bloggað um fréttina

• Edda Agnarsdóttir: Bleikur og bleikur litur í teppum, í orkugeislum, í klámi …