Fótspor snjómannsins ógurlega?

Bandarískur sjónvarpsmaður segir að hann og samstarfsmenn hans hafi fundið nokkur fótspor við Everest-fjallið í Nepal sem líkist mjög lýsingum á fótspori snjómannsins ógurlega.

Josh Gates og félagar hans segjast vera afar spenntir yfir þessum fundi. Þeir segja hinsvegar ekkert um það hvort þeir trúi því fótsporin séu eftir snjómanninn fræga.

Gates stýrir þætti sem ber nafnið Destination Truth, en í þátttunum er fjallað um frásagnir af ævintýralegum skepnum.

Fótsporin, sem eru 33 cm löng, fundust sl. miðvikudag og hefur fundurinn glætt nýju lífi í áhuga manna á snjómanninum ógurlega. 

Gates segir að hann og samstarfsmenn hans hafi leitað að snjómanninum að næturlagi með vasaljósi, en þeir sem segjast hafa séð skepnuna segja að það hafi gerst að nóttu til.

Ekkert bar hinsvegar á snjómanninum ógurlega sjálfum að sögn Gates.

Fréttavefur BBC skýrði frá þessu. 

• 6 blogg um fréttina

Bloggað um fréttina

• Júlíana Rut Jónsdóttir: aha einmitt
• Guðmundur Marinó Ásgrímsson: Bara eitt fótspor ?
• Hallgrímur Óli Helgason: SNJÓMAÐURINN ÓGURLEGI
• Riddarinn : Nei nei, ég hef skýringuna !!!!!
• Guðni Már Henningsson: Það fer ekkert á milli mála.
• Ari Guðmar Hallgrímsson: Hjátrú og hindurvitni.