Mafíuforingi gleypti leyndarmál fyrir dauða sinn

Háttsettur ítalskur mafíósi  gleypti leynilega minnispunkta og símanúmer rétt áður en hann var skotinn til bana af ítölsku lögreglunni lögreglunni nú í vikunni.

Daniele Emanuello, höfuðpaur mafíufjölskyldu í borginni Gela var einn af þrjátíu mest eftirlýstu mönnum á Ítalíu.  Að sögn Reuters, var Emanuello skotinn á mánudaginn þegar hann reyndi að flýja undan lögreglu sem réðist inn í fylgsni í sveitabæ á Sikiley. 

Við krufningu fundust leifar af minnisblöðum í vélinda mannsins.  Hins vegar kom ekki fram hvort leifarnar hafi komið að nokkru gagni fyrir lögreglu.  Maðurinn hafði verið á flótta undan lögreglunni frá því 1993.

• 1 blogg um fréttina

Bloggað um fréttina

• Riddarinn : Skyldu þessar upplýsingar hafa verið tormeltar.