Stal Porsche með aðstoð blómapotts

Þýskur bílaþjófur gerðist svo bíræfinn að stela 14 milljón kr. Porsche bifreið með blómapotti.

Lögreglan í Bonn segir að eigandi bifreiðarinnar hafi heyrt skraphljóð er hann var að bakka sportbílnum, sem er af Porsche 997 Turbo gerð, úr bílskúrnum. Þegar bílstjórinn, sem er karlmaður á sextugsaldri, fór út úr bílnum til þess að fjarlægja blómapottinn, sem hafði klemmst við eitt hjólanna, ýtti þjófurinn honum til hliðar, settist á bak við stýrið og brunaði af stað.

Að sögn lögreglu var manninum mjög brugðið og það eina sem hann gat gert var að hörfa til hliðar svo hann yrði ekki ekinn niður.

• 3 blogg um fréttina

Bloggað um fréttina

• Riddarinn : pottþétt mál.
• Markús frá Djúpalæk: Ertu skarpari en blómapottur?
• Guðni Már Henningsson: Blómapottar eru þarfaþing.