Tannlæknir rassskellti sjúkling

Danskur tannlæknir frá Hróarskeldu hefur hlotið mildan dóm fyrir að rassskella 7 ára dreng sem trylltist í stólnum hjá honum í miðri meðferð er móðir hans brá sér frá. Tannlæknirinn segist hafa verið að afstýra stórslysi.

Á fréttavef Berlingske Tidende kemur fram að dómarinn hafi haft fulla samúð með tannlækninum en dæmdi hann eigi að síður til að greiða sekt sem samsvarar 14,500 íslenskum krónum.

Að sögn tannlæknisins fékk drengurinn einungis eitt létt klapp á bossann.