Farsímareikningur upp á fimm milljónir

Honum var illa brugðið, Kanadamanninum sem fékk farsímareikning upp á sem svarar fimm milljónum íslenskra króna. Hann hafði  notað farsímann sinn sem mótald fyrir tölvuna sína í þeirri trú að allt niðurhal væri innifalið í fasta áskriftargjaldinu, sem var um 600 krónur á mánuði.

Annað kom þó á daginn. Hann hafði hlaðið niður háskerpukvikmyndum og öðrum stórum skjölum, og fyrir það allt saman rukkaði símafyrirtækið, Bell Mobility, aukalega.

Að vísu hefur það lækkað reikning mannsins í sem svarar tæpum 200.000 krónum, en hann ætlar engu að síður að reyna að fá skuldina niðurfellda á þeim forsendum að hann hafi ekki fengið neinar upplýsingar um að rukkað yrði aukalega fyrir niðurhal í tölvuna.

• 1 blogg um fréttina

Bloggað um fréttina

• Riddarinn : Þetta er nú ekki mjög langt frá reikningunum sem Vodafone …