Sakaður um snjóboltaárás

Ástralskur karlmaður hefur verið kærður af kvenkyns vinnufélaga sínum fyrir að kasta  í hana snjóbolta.

Andrew Thistleton segist hafa kastað snjóbolta í glensi að Michelle Oehlert þar sem hún beið með kærastanum sínum eftir strætisvagni.

Oehlert lýsir atburðinum sem illgjarnri árás með „ísbolta.”

Thistleton var boðin sátt í málinu en hann hafnaði því og samkvæmt fréttavef Sky fer hann fram á að fá réttað í sínu máli svo hann geti hreinsað nafn sitt af ásökununum.