Sendi jólakort frá himnum

Maður nokkur í Oregon, sem þótti talsvert spaugsamur, kom fjölskyldu sinni og vinum verulega á óvart um jólin þegar þau fengu frá honum jólakort en maðurinn lést fyrir tveimur mánuðum.

Maðurinn, sem hét Chet Fitch, lést í október 88 ára að aldri. Nokkrum vikum síðar fóru að berast frá honum jólakort, alls 34, með rithönd Fitch og heimilisfang sendanda var sagt: Himnaríki.

„Ég bað aðalmanninn um að fá að laumast til baka og senda nokkur jólakort. Hann neitaði í fyrstu en þegar ég gaf mig ekki sagði hann loks: Jæja, farðu þá en ekki slóra. Vildi að ég gæti sagt frá því hvernig allt er hér en get ekki útskýrt frekar.

Nú þarf ég að flýta mér aftur en því aðalmaðurinn sagðist hafa þurft að sveigja nokkrar reglur til að hleypa mér inn í fyrsta skiptið. Ég mun væntanlega hitta ykkur aftur (fyrr en þið haldið). Gleðileg jól. Chet Fitch."

Í ljós kom, að Fitch hafði gert samning við hárskerann sinn fyrir tveimur áratugum um að senda jólakortin eftir lát hans. 

• 6 blogg um fréttina

Bloggað um fréttina

• Gísli Foster Hjartarson: Snilld - tær snilld
• Heimir Lárusson Fjeldsted: Það er greinilega líf í þeim látnu.
• Sigríður Sigurðardóttir: Himnasendingar.
• Óttarr Makuch: Skemmtilegur leikur
• hofy sig: Fyndinn út yfir gröf og dauða
• Birgitta Jónsdóttir: Mamma tók upp á svipuðum hlut