Jólaveinninn er til í Rússlandi

Stjórnvöld í Rússlandi, hafa komið börnum þar í landi til bjargar með því að banna sjónvarpsauglýsingu, sem fullyrðir að jólasveinninn sé ekki til. 

Sagt er frá því í rússnesku dagblaði að stjórnvöld hafi úrskurðað að auglýsingin, sem gerð er af Eto, keðju raftækjaverslana, brjóti lög með því að lýsa vantrausti á foreldra. 

Í auglýsingunni segir hispurslaust að jólasveinninn sé ekki til, og er þar átt við rússnesku útgáfuna af gjafmilda rauðklædda manninum. 

„Gefið er í skyn í auglýsingunni að foreldrar séu ekki að segja börnum sínum sannleikann þegar þeir segja að jólasveinninn sé til.  Á þann hátt veldur auglýsingin neikvæðum samskiptum milli barna og foreldra þeirra,” sagði talsmaður stjórnvalda.

 Auglýsingalög í Rússlandi banna efni í auglýsingum sem lýsir „vantrausti á foreldra, kennara, og sem grefur undan trausti barna til þeirra.” 

Raftækjaverslunin Eto varði auglýsinguna og sagði hana vera ætlaða fyrir fólk um miðjan aldur. 

• 2 blogg um fréttina

Bloggað um fréttina

• Georg Styrmir Rúnarsson: Jólasveinninn er víst til...
• Ari Guðmar Hallgrímsson: Rússneskur jólasveinn ?