Falsaði fráfall föður í ritgerðarsamkeppni
Setja bókamerki
„Pabbi dó á árinu í Írak." Svona hófst ritgerð 6 ára gamallar stúlku, sem barst í ritgerðarsamkeppni í Texas og dómararnir voru á einu máli um að ætti skilið sigurinn. Síðan hefur komið í ljós að móðir stúlkunnar lét hana skrökva þessu til að eiga meiri möguleika á sigri.
Barnafataverslunarkeðjan Club Libby Lu í Chicago gaf verðlaun í ritgerðarsamkeppnina og aðalverðlaunin voru fjórir miðar á tónleika Disney-sjónvarpspersónunnar Hannah Montana í Albany í New York, flugmiðar frá Texas til New York og ljós Hannah Montana hárkolla að auki.
Priscilla Ceballos, móðir litlu stúlkunnar, hafði sagt skipuleggjendum ritgerðarsamkeppninnar, að faðir stúlkunnar, Jonathon Menjivar að nafni, hefði fallið í Írak 17. apríl þegar sprengja sprakk þar í vegarkanti. Þegar farið var að athuga málið kom í ljós að enginn hermaður með því nafni hefði verið í Írak.
„Við bjuggum til ritgerðina og það sem þurfti til að vinna," sagði Caballos í viðtali við sjónvarpsstöð í Dallas.
Mary Drolet, forstjóri Club Libby Lu, segir að fyrirtækið sé að skoða málið og hugsanlega verði verðlaunin tekin af stúlkunni.
Líklega komin á seinni hluta hrinunnar í Svartsengi
Úlfar: Heppileg tímasetning á gosinu
Myndir: Grindavíkurvegur aftur undir hraun
Hluti bílastæðis undir hraun: Ómögulegt að meta tjón
Hraunið náð Njarðvíkuræð: Fylgjast með raflínu
Fullvissa ferðamenn um að hér sé öruggt
Mæðgur dæmdar til að greiða 64 milljónir