Banvænt sérrí í stólpípu

Áfengissjúklingur sem lést eftir að hafa gefið sjálfum sér sérrístólpípu hefur hlotið hin svonefndu Darwin-verðlaun 2007, en þau eru veitt til minningar um þá sem bæta afkomumöguleika mannkynsins með því að hverfa sjálfir á braut.

Verðlaunahafinn var tæplega sextugur Texasbúi sem ekki gat drukkið áfengi með hefðbundnum hætti vegna sársauka í hálsi. Hann fór því að neyta áfengis með stólpípu, en lést eftir að hafa með þeim hætti neytt þriggja lítra af sérríi.

Meðal annarra sem til greina komu voru Þjóðverji sem veitti sjálfum sér raflost er hann reyndi að losa sig við moldvörpur með því að reka málmteina niður í jörðina og tengja þá við háspennulínu.

Einnig Bandaríkjamaður sem var að rífa gamla hlöðu og byrjaði á að saga í sundur burðarstoð með þeim afleiðingum að byggingin hrundi yfir hann.

Þá var og nefndur landi hans sem „sigraði“ í keppni um hver gæti lengst staðið á járnbrautarteinum með aðvífandi lest.

Og tæplega þrítugur tölvunarfræðikennari sem lést er hann ók bifreið og vann í tölvunni sinni á sama tíma.

• 8 blogg um fréttina

Bloggað um fréttina

• Þorsteinn Valur Baldvinsson: Verðskulduð verðlaun
• Baldvin Jónsson: Fólk hefur skammað mig fyrir lítil skrif undanfarið.....
• Billi bilaði: Allt er best í hófi
• Jóhannes Ragnarsson: Pólskur vodki í stólpípu
• Þorkell Sigurjónsson: ÞRÆLDÓMUR OG DAUÐI, SKÁL.
• Snorri Bergz: Miklir viðskiptamöguleikar
• Jóna Guðmundsdóttir: Geðslegt
• Kolbrún Kolbeinsdóttir: Illa farið með sérríið