Dauðarefsing fyrir að drekka áfengi
Setja bókamerki
Íranskur maður hefur verið dæmdur til dauða fyrir að drekka áfengi sem er stranglega bannað í Íran.
Mohsen sem er 22 ára var dæmdur til hengingar eftir að hafa verið fundinn sekur um að drekka áfengi fjórum sinnum.
Dómarinn Jalil Jalili sagði í dómnum að samkvæmt grein 179 í refsilögum íslam mun sá sem drekkur áfengi tvisvar og er refsað fyrir seinna skiptið, fá dauðarefsingu fyrir þriðja skiptið. Hæstiréttur í landinu þarf að staðfesta dóminn áður en hann er framkvæmdur.
Mohsen hafði þrisvar verið refsað fyrir áfengisdrykkju með stuttu millibili. Hann lýsti iðrun sinni í bréfi en dómararnir tóku það ekki til athugunar.
Vanaleg refsing fyrir að drekka áfengi einu sinni eru áttatíu svipuhögg, samkvæmt refsilögum Írans sem eru byggð á lögum íslam.
Áfengisneysla hefur verið ólögleg síðan í íslömsku byltingunni árið 1979. Aukning hefur verið á dauðarefsingum í Íran en engin nýleg fordæmi eru um dauðarefsingu fyrir neyslu á áfengi.
Erlendir miðlar greina frá tíunda gosinu
Hraun fór yfir Grindavíkurveg
Hluti bílastæðis undir hraun: Ómögulegt að meta tjón
Mæðgur dæmdar til að greiða 64 milljónir
Mjög alvarlegt ef Njarðvíkuræð gefur sig
Þórarinn: Tafir á höfuðborgarsvæðinu ekki minni
Hraunið við bílastæði Bláa lónsins
Búseta skortir byggingarlóðir